Metodas
Ils resultats dal proget FloRae dessan accumplir ün standard ot scientific. Our da quist motiv vain l’ inventar manà tras fich representativ ed in ün sapzi local consistent. Tras la collavuraziun stretta cun Info Flora, il center da datas ed infuormaziun da la flora Svizra, po quist standard ot gnir garanti.
Cartaziun
Ils 109 quadrats d’inventarisaziun da 10×10 km, chi correspuondan a la rait da cartar da l’Info Flora, fuorman la basa da la Flora Raetica. Dals 109 quadrats as rechattan 82 cun 25-100% i’l chantun. L’inventarisaziun as concentrescha sün quists quadrats.
La metoda precisa vain elavurada dürant l‘on da pilot 2022.
Lös da chat istorics
Aint illa banca da datas Info Flora as chatta be pacas infuormaziuns sur d’existenzas istoricas da spezias da plantas. No ramassain ulteriuras infuormaziuns sco p.ex. sur da spezias raras chi’s rechattan in erbaris obain in cudeschs. La Flora Graubünden da Braun-Blanquet & Rübel (1932-35) cumpiglia fingià raduond 50’000-100’000 lös inua chi s’ha chattà alch, plü o main precis. Üna part dals lös da chat istorics vegnan georeferenzchats, voul dir trat a nüz in fuorma digitala. Las lavurs han lö in collavuraziun cul museum da la natüra dal Grischun e cul uffizi da la natüra ed ambiaint grischun.
